Diskuto:Pensilvanigermana dialekto

La nomo "Pensilfanidajtŝa" ŝajnas malfeliĉe elektita.

Unue "dajtŝa" devas esti "dajĉa". Normale oni ne uzas "tŝ" ene de radiko en Esperanto.

Due la parto "Pensilfani-" devas esti "Pensilvani-". La ŝtato nomiĝas en Esperanto "Pensilvanio" kun "v".

Trie lingvonomo tia kiel "Pensilvanidajĉa", kun paralela formo "dajĉa", necesigas, ke ekzistu io, kion nomiĝas "dajĉo" aŭ "Dajĉo". Tio estu aŭ nomo de tia persono ("Dajĉoj parolas la dajĉan."), aŭ nomo de loko/lando/regiono ("En Dajĉo oni parolas la dajĉan.") Aŭ la lingvo mem estu "Dajĉo". Tiel funkcias nomoj de lingvoj en Esperanto.

Kvare indas zorge pripensi, ĉu ne "Pensilvanigermana" estus multe pli bona nomo. Oni jam nomas la Svisan formon de la Germana lingvo per la nomo "Svisgermana". La Svisgermana tute bone povus esti rigardata kiel memstara lingvo, same kiel la lingvo de la Amiŝoj. La modelo de la vorto "Svisgermana" montras, ke la lingvo de la Amiŝoj kaj Menonitoj en Usono tute oportune povus nomiĝi "Pensilvanigermana". Tio estus nomo konforma al la nomoj de tiu lingvo en multaj aliaj lingvoj, kaj estus do multe pli oportuna ol la enigmaĵo "Pensilfanidajtŝa".

Laŭ mi ni tuj ŝanĝu al "Pensilvanigermana".

Bertilo WENNERGREN

Mi samopinias. Temas pri lingvo (aŭ dialekto) germandevena, sekve ankaŭ la nomo indiku tion. Estus vere stranga maniero Esperantigi lingvonomojn tiel:

Deutsch -> germana
P.-Deutsch -> pensilvanidajĉa

Foje ŝajne ekzistas du nomoj, ekz. "platdiĉa" kaj "malaltgermana" por "Plattdeutsch". Sed la unuan formon mi vidas ĉefe kiel neologismon kiu esprimas nur malmulte pri la parenceco de tiu lingvo al la (alt)germana.

Certe ne ekzistas perfekta metodo por la esperantigo de lingvonomoj. Sed ni almenaŭ ne uzu iun, kiu tute klare havas gravajn malavantaĝojn.

Kunar

Mi ne volas havi redaktan batalon. La ligiloj devas esti al amiŝo kaj menonito. Legu regulon #8 en Vikipedio:Nomoj de titoloj sub esperantigoj de nomoj. Dankon, Chuck SMITH

Iowao?!!!

--Bab

Espereble Iowao nur estis ies tajperaro. Mi ĵus korektis. Bertilo WENNERGREN

Ŝajnas, ke iu sisteme ŝanĝis "Palatinato" al "Palatino". Kial? "Palatinato" estas la Esperanta nomo de la regiono Pfalz en Germanujo. "Palatino" estas unu el la sep montetoj de Romo. Ĉio laŭ PIV. Bertilo WENNERGREN

Mi ŝanĝis ĝin al Palatino post kiam mi vidis la nomon de la germana ŝtato tiel skribita fare de iu alia. Sed probable me vidis kaj kopiis eraron. Mi pardonpetas.

P.ŜTOLTZ

132.212.244.67, de kie vi prenis la informon ke 100% parolas la anglan? Laŭ mia kompreno, ne ĉiuj parolas angle. Mi pensas ke estas komparebla kun tiom da nederlandanoj parolas angle, sed ne ĉiuj... --Chuck SMITH

Hodiaŭ la parolantoj de la pensilavanigermana ofte uzas vortojn el la angla lingvo.

Ĉu tio ne estas vera por prekaŭ ĉiu lingvo...? Ŝajnas nenecesa diri tion... alikaze, ni devus aldoni tion al la nederlanda, germana, japana, franca,... --Chuck SMITH

Mi feliĉas la komentojn. Estas vere ke multaj infanoj sub la lernejaĝo ne konas tre bone la anglan. Do oni povus ŝanĝi ĝin pro tio sed eble tio estus komprenata.

Tamen ĉiu 5jarulo + parolas la anglan lerneje, kaj poste, labore kaj strate kun siaj najbaroj. Pensilvanigermanoj vivas apud anglaj najbaroj kaj ĉiuj el ili (5+) estas dulingvaj. Ĉiu parolanto scipovas ŝanĝi mez-fraze el la pensilvanigermana al la angla. Krom el personeca vivsperto, mi povas citi la verkon de sociologisto de John Hopkin's University, John A. Hostetler en Amish Society pĝ242: They [Amish] can read, write, and speak English without any interference from either of their other languages, kaj sampaĝe: Amish children learn to speak the two languages without difficulty and without noticeable accent;kaj la enkonduko de la Nova Testamento pensilvanigermana pĝ vi:Since all Pennsylvania Deitsch speakers read English... (rimarku ke la enkonduko en la p-germana N.T. estas skribita en la angla).

je la komenco de la 20a jarcento estas vere, ke ekzistis p-germanoj kiuj ne parolis tre bone la anglan, sed tio estis kiam la lingvo estis multe pli parolata en Pensilvanio, kaj kiam kelkaj infanoj forlasis la lernejon post nur tri aŭ kvar jarojn.

Je vortoj el la angla, mi kredas ke tio estas fenomeno ege forta kaj ege tro grava por ne mencii.

P.STOLTZ

Kiam mi diris ke ne ĉiuj 100% parolas angle, mi parolis pri tiuj maljunuloj. Ili ankaŭ estas homoj. ;-) Tamen, mi pensas ke vi pravas ke ĉiuj de ili ja parolas la anglan. Ankaŭ, ni povas lasi la frazon pri vortoj el la angla. Hieraŭ vespere mi telefonis Richard Beam kiu estas spertulo pri la pensilvanigermana. Estis tre interesa konversacio. Bedaŭrinde mi ne eksciis ion kiun mi povos aldoni al la artikolo... Tamen, mi vidis ke ĉi tiu artikolo estas la 39a [vizitata artikolo]! Interese... Ankaŭ, estus bone se vi povus uzi la "Antaŭrigardu" butonon anstataŭ plenigi la paĝon de "Lastaj Ŝanĝoj" ;-) Dankon pro via laboro! --Chuck SMITH

Mi ne povas disputi Beam-on. : :) P.STOLTZFUS

Ĉu vi bonvolos esperantigi tiujn esprimojn : "abstand language" aŭ "Abstandsprache" nek (ankoraŭ) "ausbau language" aŭ "Ausbauprache" . Dankas Arno Lagrange 04:45, 16. Dec 2003 (UTC)

La pensilvangermana ja povus esti konsiderata kiel "Ausbausprache".

Kial la artikola titolo uzas "Pensilvangermana" anstataŭ "Pensilvanigermana" (kaj "Pensilvanigermana" alidirektas al "Pensilvangermana")? Goulo 17:35, 21 Mar. 2011 (UTC)

Teknika problemeto

Mi vidis, ke du el la kantonoj en la listo, Allen kaj Adams en Indianio, havas steleton (asteriskon) post la nomo, kaj tute ne estas klarigo kion la steleto signifus. Kontrolo evidentigis ke jam fine de la unua jaro de redaktado, fine de 2003, estis tiel: jam tiam estis samaj du steletoj kaj ankaŭ tiam sen klarigo. Do la du sensencajn steletojn ni jam ekde 21 jaroj transportas de jaro al jaro. Estus bele scii el kiu fonto venis la listo, ĉu estis skriba referenco kiam ĝi enpreniĝis iam en 2003 aŭ el kiu lingvoversio de Vikipedio ĝi tiam enkopiiĝis (probablas la suspekto ke ĝi tiam simple enkopiiĝis el alia lingvoversio, kun la du steletoj kies signifo post la kopiado tuj estis perdita). Sed tio evidente ne estas, kaj mi pensas ke tute enrubujigi la liston de kantonoj nur pro tio ke en 2003 forgesiĝis noti eksteran referencon estus tro radikale: La listo estas utila. Sed almenaŭ mi nun elmetas la du sensignifajn steletojn al la listo de 2003. ThomasPusch (diskuto) 20:26, 2 nov. 2024 (UTC)[Respondi]

Cetere la listo kompreneble bele montras, kiom da usonaj kantonoj ankaŭ fine de 2024, post 23 jaroj da redaktado en Vikipedio, ankoraŭ estas sen esperanta teksto, kvankam cencas peni pri laŭeble ĉiuj kantonoj en la lando, anstataŭ verki artikolojn pri ĉiuj urboj, urbetoj kaj kromaj loĝlokoj en nur tre eta teritorio kaj malatenti la rtutan reston. Mi nun verkis mankajn 22 tekstojn pri pensilvaniaj kantonoj en la listo, tiel ke laŭ la listo povus esti la impreso ke en tiu subŝtato jam estus entute ĉiuj kantonoj - tio tamen estus forte tro optimisma impreso: nun nur estas paĝoj pri ĉiuj kantonoj kiuj estas en tiu ĉi listo (30) kaj krome ankoraŭ 12 kiuj hazarde jam kreiĝis en la unuaj 23 jaroj de vikipedio, ne pli! Sume estas 67 pensilvaniaj kantonoj, do nur "25" ankoraŭ mankas. ThomasPusch (diskuto) 09:08, 3 nov. 2024 (UTC)[Respondi]